Та орудия глупых исправляют,

плоти целости ничтоже вреждают.

Розга ум острит, память возбуждает
и волю злую в благу прелагает...

...Красота плоти многих погубляет,

а язва тоя душу удобряет.
Лепота души велми есть спасенна,

создавшему ю богу возлюбленна.
Ту же обычно учение вводит,

а умный детищ в чести мнозей ходит.
Вы же, о чада, труд честный любите,

еже полезно, того ся держите.
Знающе, яко аще ся труждати

тяжко, но легко труды плодов жати.
И раны, яже добро содевают,

вам не мерзостны в детстве да бывают.
Целуйте розгу, бич и жезл лобзайте,

та суть безвинна, тех не проклинайте
И рук яже вам язвы налагают,

ибо не зла вам, но добра желают.
Делеса злая веема отревайте,

но добрым сердца ваша прилагайте.
Сие же слово за дар благ возмите,

не злословте ми, но благословите.
И иже вам благих всяческих желаю,

кончя, к благости всяцей увещаю.

(1679)